Sunday 17 June 2018

कुलू/फोडशी

पावसाच्या सुरुवातीला मिळणारी हिरवी गार लिलीच्या पात्यांसारखी ही भाजी. ह्या भाजीला कुलू/फोडशी असे म्हणतात. नुसती पालेभाजीसारखी व डाळ घालून दोन्ही पद्धतीने ही भाजी करता येते.

 
फोडशी/कुलूच्या २ ते ३ जुड्या
२ कांदे चिरुन
पाव वाटी कोणतीही डाळ भिजवून
४-५ लसुण पाकळ्या ठेचुन
२ मिरच्या चिरुन
ओल खोबर अर्धी मुठ
चवीनुसार मिठ
१ चमचा टोमॅटो सॉस नसल्यास साखर (नाही घातली तरी चालेल)

फोडशी/कुलू ची एक एक पाती वेगळी करून घ्या खाली जास्त पांढरा भाग असल्यास काढा. मध्ये जर कडक दांडी असेल तर काढा आणि स्वच्छ धुवून चिरुन घ्या.
भांड्यात तेल तापवून त्यावर लसुण पाकळ्या व मिरच्यांची फोडणी देउन कांदा घाला. त्यावर हिंग, हळद घाला व परतवून डाळ घालून परत परता.
ह्यावर टोमॅटो सॉस घालून परता.
आता ह्यावर चिरलेली फोडशी/कुलूची भाजी घाला. व झाकण ठेवा. २-३ मिनिटांनी झाकण काढून परता. भाजी बसल्यामुळे व्यवस्थित परतता येते. भांड्याच्या बाहेर जात नाही.
ह्यावर मिठ घाला व डाळ शिजू द्या. डाळ शिजली की वरून खोबरे पेरून परता आणि गॅस बंद करा. झाली भाजी तय्यार.

अधिक टिपा:


हिच भाजी आधी उकडून घेण्याचीही पद्धत आहे. त्यामुळे ती मऊ होते. पण डायरेक्ट केली तर माझ्यामते जास्त रुचकर व पौष्टीक होते.

ही भाजी पिठ पेरूनही करता येते. डाळ न घालता साधीही चांगली लागते.

ही भाजी कोवळीच घ्यावी

No comments: